Mesazh nga Kryetari Komunës Farkë:

Hapja e një Faqe në Interneti vetëm për Komunën e Farkës është një tjetër nisëm e ndërmarrë nga komuna jonë, e cila synon ta bëjë këtë vend, këtë komunitet, traditat e vjetra, (si poçeria, vreshtaria, agrikultura, etj), dhe projektet e reja, të njohura jo vetëm për Tiranën por për gjithë Shqipërinë dhe më gjerë.

Kjo Faqe Interneti synon:

• Të pasqyrojë aktivitetin e komunës Farkë, qysh nga krijimi i saj e deri më sot, arritjet e deritanishme dhe synimet për të ardhmen.

• Të prezantojë arritjet e individëve dhe biznesmenëve të zonës, të shkruajë reportazhe të ndryshme, intervista e biseda me përfaqësues të moshave të ndryshme.

• Të pasqyrojë në faqet e saj edhe aspekte ligjore të rëndësishme dhe të domosdoshme për komunitetin.

Së fundi desha të them se publikimi i këtij web site bën që të jemi sa më afër komunitetit, të jemi sa më trans­parent në punët tona dhe mbi të gjitha është një arritje dhe vlerë për ne dhe brezat që do të vijnë.

I juaji sinqerisht
Kryetari i Komunës Farkë
Fatbardh Plaku